مەودا میدیا-

بەڕێوەبەرایەتیی پۆلیسی سلێمانی کەسێکی بەتۆمەتی فێڵکردن لە هاوڵاتییان دەستگیرکرد، کە پێشتریش بە هەمان تۆمەت لە پارێزگای هەڵەبجە سکاڵای لەسەر تۆمارکراوە و داواکراوبووە.

ئەمڕۆ پێنجشەممە بەڕێوەبەرایەتیی پۆلیسی سلێمانی رایگەیاند "دوای‌ سكاڵای‌ چه‌ند هاوڵاتییه‌ك له‌سه‌ر تۆمه‌تبارێك كه‌ چه‌ندین سه‌ر ئاژه‌ڵی‌ لێكڕیون، به‌ڵام به‌فێڵ و بیانوی‌ جیاواز پاره‌كه‌ی‌ نه‌داونه‌تێ، هێزه‌كانی‌ پۆلیس لێكۆڵینه‌وه‌ و به‌دواداچونیان بۆ دۆزینه‌وه‌ و ده‌ستگیركردنی‌ تۆمه‌تبار ده‌ستپێكرد و پاش وه‌رگرتنی‌ بڕیاری‌ دادوه‌ر، توانرا تۆمه‌تباره‌كه‌ ده‌ستگیر بكرێت".

ئاماژەی بەوەشکردووە "له‌ئێستادا تۆمه‌تبار (ب، ط، أ) به‌ بڕیاری‌ دادوه‌ر و به‌پێی‌ ماده‌ی‌ 456 له‌ یاسای‌ سزادان راگیراوه‌ و لێكۆڵینه‌وه‌ له‌گه‌ڵیدا به‌رده‌وامه‌".

ئەوەشی خستووەتەڕوو "تۆمه‌تباری‌ ناوبراو پێشینه‌ی‌ هه‌یه‌ و له‌سه‌ر هه‌مان تاوانی‌ فێڵكردن له‌ به‌ڕێوه‌به‌رایه‌تیی پۆلیسی‌ پارێزگای‌ هه‌ڵه‌بجه‌ سكاڵای‌ له‌سه‌ر تۆماركراوه‌ و داواكراو بووه‌".

ر. ب