مەودا میدیا-

وەزیری بەرگری ئەمریکا رایگەیاند ناتۆ ئەرکی راھێنان و راوێژ و بنیادنانی توانای ھێزە عیراقییەکان لەئەستۆ دەگرێت ئاماژەی بەوەشکرد پێویستە هێزی زیاتر رەوانی عیراق بکرێت.

مارك ئێسپەر، وەزیری بەرگری ئەمریکا رایگەیاند "ناتۆ رۆڵی خۆی لە عیراق فراوانتر دەکات و ئەرکی راھێنان و راوێژ و بنیادنانی توانای ھێزە عێراقییەکان لەئەستۆ دەگرێت".

وەزیری بەرگری ئەمریکا ئاماژە بەوەش دەکات "پێویست دەکات ھاوپەیمانەکانمان لە ناتۆ ھێزی زیاتر رەوانەی عیراق بکەن، بۆ ئەوەی بتوانن بە هەماهەنگی لەگەڵ هێزە ئەمنییەکانی عیراقدا داعش لە ناوچەکە لەناوبەرین رووبەڕووی هەرەشەکانیان ببینەوە".