مەودا میدیا-

بەرپرسانی پێنج وڵاتی داوا لە ئێران دەكەن سندوقی ڕەشی فڕۆکە ئۆكرانیەكە كە مانگی رابردوو كەوتە خوارەوە رادەست بكاتەوە.

هەر یەكە لە وەزیرانی وڵاتانی بریتانیا و کەنەدا، ئۆکراین، ئەفغانستان، وەزیری بەرگری سوید كە بەشداریان لە كۆنفرانسی میونشن لە وڵاتی ئەڵمانیان كردووە بەیاننامەیەكیان لە بارەی فڕۆكە ئۆكرانیەكە دەركرد كە مانگی رابردوو لە ئێران كەوتە خوارەوە و بەهۆیەوە تەواوی سەرنشینەكانی گیانیان لە دەستدا.

بە فەرمی ئەو پێنج وڵاتە داوایان لە وڵاتی ئێران كرد هەرچی زووە سندوقی رەشی ئەو فڕۆكە ئۆكرانیە رادەست بكاتەوە بەمەبەستی وەرگرتنی زانیاری لەسەر كەوتنە خوارەوەی فڕۆكەكە.