مەودا میدیا-

تابێت رێژەی توشبووان و گیانلەدەستداوانی ڤایرۆسی کۆرۆنالە وڵاتی چین روو لە زیادبوون دەکەن بەپێی نوێترین ئاماری لیژنەی تەندورستی چین گەیشتووەتە نزیکەی 70 هەزار کەس، هەروەها ئەو کەسانەی گیانیان لەدەستداوە بەهۆی ڤایرۆسەکەوە بەرزبووەتەوە بۆ زیاتر لە 1700 کەس.

لیژنەی تەندروستی چین نوێترین ئامارەکانی بڵاوکردەوە و بەپێی ئامارەکان، رێژەی توشبووانی ڤایرۆسی کۆرۆنا بۆ 70 هەزار و 500 کەس بەرزبووەتەوە و هەر لە دوێنێوە نزیکەی دوو هەزار حاڵەتی نوێ تۆمارکراوە.

لیژنەکە ئاماژەی بەوەشکردووە، ئەو کەسانەی لە چین گیانیان لەدەستداوە بەهۆی ڤایرۆسی کۆرۆناوە ژمارەیان بەرزبووەتەوە بۆ 1700 کەس و لە دوێنێشەوە 15 حاڵەتی نوێی گیان لەدەستدان تۆمارکراوە.

جێگای ئاماژەیە، ڤایرۆسی کۆرۆنا رۆژ بە رۆژ زیاتر بڵاودەبێتەوە تاوەکو ئێستا لە نزیکەی 30 وڵات ڤایرۆسەکە بڵاوبووەتەوە ئەمەش وایکردووە رێکخراوی تەندروستی جیهانی باری نائاسایی رابگەیەنێت لە جیهاندا.