مەودا میدیا-

بانكی رافیده‌ینی نیمچه‌ فه‌رمی عیراق رایگه‌یاند، ده‌ستیان به‌دابه‌شكردنی مووچه‌ی مانگی ئازاری 2022ی خانه‌نشینانی شارستانی و سه‌ربازی كردووه‌.
 
ئەمڕۆ چوارشەممە لە راگەیەندراوێکدا نووسینگه‌ی راگه‌یاندنی بانكی رافده‌ین بڵاویكرده‌وه‌، له‌ ئه‌مڕۆوه‌ له‌ڕێگه‌ی لقه‌كانیان له‌ پارێزگاكانی ناوه‌ڕاست و خواروی عیراق ده‌ستیان به‌ دابه‌شكردنی مووچه‌ی مانگی ئازاری 2022ی خانه‌نشینانی شارستانی و سه‌ربازی ده‌كه‌ن.

باسی لەوەشکردووە "خانه‌نشینان ده‌توانن سه‌ردانی لقه‌كانیان بكه‌ن و له‌ هه‌ر شوێنێك بن له‌ڕێگه‌ی كریدی كارته‌وه‌ مووچه‌كانیان وه‌ربگرن".

ئەوە لەکاتێکدایە بڕیاربوو هەموو 25ی مانگێک مووچەی فەرمانبەرانی هەرێمی کوردستان دابەشبکرێت، بەڵام چەند مانگێکە بەبیانوی نەناردنی 200 ملیارەکە لەلایەن بەغداوە دابەشکردنی مووچە دوادەکەوێت، ئەمڕۆ دووی مانگی ئازارە و تائێستا دابەشکردنی مووچەی مانگی دوو دابەشنەکراوە و دیاریشنییە کەی دابەشدەکرێت.

ر. ئ.