مەودا میدیا-

مستەفا کازمی، بڕیاریدا بە دیاریکردنی نەجم جبوری، پارێزگاری نەینەوا بۆ راپەڕاندنی کارەکانی قایمقامی شنگال.

دوێنێ دووشەممە هێزێکی زۆری سوپای عیراق لە موسڵ-ەوە بە ژمارەیەک سەرباز و تانکەوە رەوانەی شنگال و چەند گوندێکی دەوروبەری کران و لە بنکە سەربازییەکاندا جێگیر بوون، مستەفا کازمی فەرمانیکردووە کە نەجم جبوری، پارێزگاری نەینەوا کارەکانی قایمقامی شنگال بەڕێوەببات.

میدیای فەرمیی پەکەکە ڤیدیۆی شەڕ و پێکدادانەکەی بڵاوکردووەتەوە و نوسیویەتی، "ئاسایشی یەبەشە بە توندی وڵامی دایەوە و شەڕ و پێکدادان روویدا".

                                                                       نەجم جبوری، پارێزگاری نەینەوا

ئەوە لەکاتێکدایە رۆژی 18ی نیسانی 2022، هاوکات لەگەڵ هێرشە داگیرکارییەکەی سوپای تورکیا بۆسەر پەکەکە لە هەرێمی کوردستان، سوپای عیراقیش هێرشی کردە سەر خاڵی کۆنتڕۆڵی یەکینەکانی بەرخۆدانی شەنگال (یەبەشە) لە گوندی دگورێی سنونێی شنگال.

ر. ئ.