مەودا میدیا-

وەزیری كار و كاروباری كۆمەڵایەتیی عیراق داوا لە  سوودمەندبووانی تۆڕی چاودێریی كۆمەڵایەتی دەکات کە بچن مووچەی مانگی ئایار وەربگرن.

لە راگەیەندراوێکدا سالار عەبدولستار، وەزیری كار و كاروباری كۆمەڵایەتیی عیراق بە وەكالەت ئاماژە بەوەدەکات "پارەی پێویست بۆ مووچەی مانگی پێنجی سوودمەندبووانی تۆڕی چاودێریی كۆمەڵایەتی تەرخانكراوە كە ژمارەیان زیاترە لە ملیۆنێك و 400 هەزار خێزان".

لە راگەیەندراوەكەدا سالار عەبدولستار داوا لە خێزانە سوودمەندبووەكان دەكات سەردانی نووسینگەكانی وەرگرتنی مووچە بكەن و پارەكانیان بە شێوەی ئەلیكترۆنی وەربگرن.

ئەوە لەکاتێکدایە لە هەرێمی کوردستان لە کۆتایی مانگی چوار نزیکدەبینەوە تاکو ئێستا دابەشکردنی مووچەی مانگی سێ کۆتایی نەهاتووە دیاریش نییە کەی بەکۆتادێت.

ر. ئ.