مەودا میدیا-

 كه‌شناسیی عیراق رایگه‌یاند، له‌باره‌ی شه‌پۆلێكی گه‌رماوه‌ كه‌ له‌ سبه‌ینێوه‌ روو له‌ ناوچه‌ جیاجیاكانی عیراق ده‌كات، هۆشداریان داوه‌ته‌ سه‌رجه‌م داموده‌زگاكان بۆئه‌وه‌ی رێوشوێنی پێویست بگرنه‌به‌ر.

ئەمڕۆ چوارشەممە عامر جابری به‌ڕێوه‌به‌ری راگه‌یاندنی ده‌سته‌ی گشتیی كه‌شناسیی عیراق رایگه‌یاند "به‌پێی راپۆرتی به‌شی پێشبینیه‌كان، له‌ته‌واوی ناوچه‌كانی عیراق پله‌كانی گه‌رما له‌ سبه‌ینێ پێنجشه‌ممه‌وه‌ روو له‌ به‌رزبونه‌وه‌ده‌كه‌ن".

ئاماژەی بەوەشکردووە "وڵات ده‌كه‌وێته‌ ژێر كاریگه‌ریی شه‌پۆلێكی گه‌رمی وه‌زریه‌وه‌ كه‌ ساڵانه‌ له‌ سه‌ره‌تای مانگی حوزه‌یران دروست ده‌بێت، ئه‌مه‌ جگه‌ زیادبوونی خێرایی با كه‌ پێشتر كاریگه‌ری له‌سه‌ر ناوچه‌كان دروستكردووه‌ و بووه‌ته‌ هۆی شه‌پۆلی خۆڵبارین".

ئەوەشی خستووەتەڕوو "تایبه‌ت به‌ به‌رزبوونه‌وه‌ی به‌رچاوی پله‌كانی گه‌رما هۆشداریان داوه‌ته‌ سه‌رجه‌م داموده‌زگاكانی وڵات، بۆئه‌وه‌ی رێوشوێنی پێویست بگرنه‌به‌ر و ئاماده‌كاری پێویست بكه‌ن".

ر. ئ.