مەودا میدیا-

سەرۆکی لیژنەی دارایی و ئابووریی پەرلەمانی کوردستان رایدەگەیەنێت، پارەی پێویست بۆ مووچەی ئەم مانگە بەردەستە کە 500 ملیۆن دۆلاری نەوت و 98 ملیۆن دۆلار داهاتی ناوخۆیە و پێویستە پێش جەژن مووچەی تەواوی فەرمانبەران دابەشبکرێت.

عەلی حەمەساڵح، سەرۆکی لیژنەی دارایی و ئابووریی پەرلەمانی کوردستان رایدەگەیەنێت، پارەی پێویست بۆ مووچەی ئەم مانگە بەردەستە کە 500 ملیۆن دۆلاری نەوت و 98 ملیۆن دۆلار داهاتی ناوخۆیە و پێویستە پێش جەژن مووچەی تەواوی فەرمانبەران دابەشبکرێت.

ئاماژە بەوەشدەکات، پارەی پێویست بۆ مووچەی مانگێک 620 ملیۆن دۆلارە، هاوپەیمانان 22 ملیۆن دۆلار دابیندەکەن و راستەوخۆ مووچەی وەزارەتی پێشمەرگەی پێدەدرێت، هەروەها پارەی پێویست بۆ مووچە کە حکومەتی هەرێم دابینیدەکات 598ملیۆن دۆلارە.

ئەوەشی روونکردووەتەوە، داهاتی نەوت بۆ مووچە بەکاردێت 500 ملیۆن دۆلارە و ئێستا بەردەستە و داهاتی ناوخۆش 218 ملیۆن دۆلارە، دەشڵێت "ئێستا بۆ مووچەی مانگی شەشی 2022 داهاتی پێویست لەبەردەستە و پێویستە دابەشکردنی مووچە دەستپێبکات."

ر. ئ.