مەودا میدیا-

پرۆژەی ئاوی ئیفراز سێ لە هەولێر ئاشکرایکرد بۆری ئاوی ئیفراز سێ شکاوە، داواش لە هاوڵاتییان دەکات دەست بە ئاوەوە بگرن تاوەکو بۆرییەکە چاکدەکرێتەوە.

بەیانی ئەمڕۆ هەینی 8ی تەموزی 2022 پرۆژەی ئاوی ئیفراز سێ لە هەولێر رایگەیاند "هاوڵاتییانی شاری هه‌ولێر تکایە دەست بە ئاو بگرن بەهۆی شکانی بۆری ئاوی ئیفرازی سێ پێدانی ئاو راگیراوە".

ئاماژە بەوەشکراوە  "پرۆژەی ئاوی ئیفراز سێ بەشێویەکی کاتی  راگیراوه‌، تاوەکو چاکدەکرێتەوە"، هەروەها تائێستا دیارنییه‌ كه‌ بۆڕیه‌كه‌ چه‌ند كاتی پێویسته‌ بۆ چاككردنی و كه‌ی ئاو ده‌گاته‌وه‌ به‌ دانیشتووانی هه‌ولێر.

بۆری ئاوی ئیفراز سێ، کەوتووەتە باکووری شاری هەولێر و نزیکەی 40٪ی ئاوی شاری هەولێر، کە بریتین لە گەڕەکەکانی باکوور و رۆژئاوای شارەکە دابینده‌كات.        

س.ر