مەودا میدیا-

نرخی نه‌وتی خاوی له‌بازاڕه‌كانی جیهان بۆ كه‌مترین نرخ دابەزی و به‌رمیلێك نه‌وتی برێنت به‌ 52 دۆلار فرۆشرا هۆکاری ئەم دابەزینی نرخەش بۆ بڵاوبوونەوەی ڤایرۆسی کۆرۆنا دەگەڕێتەوە.

ئەمڕۆ نرخی نه‌وت له‌بازاڕه‌كانی جیهاندا به‌ڕێژه‌یه‌كی به‌رچاو دابه‌زی و به‌رمیلێك نه‌وتی برێنت 2.77% نرخه‌كه‌ له‌ده‌ستداو گه‌یشته‌ 52 دۆلار و 66 سه‌نت، هه‌روه‌ها نه‌وتی خاوی ئه‌مریكیش 2.34% نرخه‌كه‌ی له‌ده‌ستداو به‌رمیلێكی گه‌یشته‌ 47 دۆلار و 95 سه‌نت.

بەهۆی بڵاوبوونەوەی ڤایرۆسی کۆرۆناوە لە زۆربەی وڵاتانی جیهان و راگرتنی هاتووچۆی هاوڵاتیان و بازرگانان لە نێوان ئەو وڵاتانە کاریگەری لەسەر نرخی نەوت کردووە و پێشبینی دەکرێت نرخەکەی زیاتر دابەزێت.