مه‌ودا میدیا-

سوپاى پاسدارانى ئێران له‌به‌رانبه‌ر هێرشه‌كانى ئیسرائیل بۆ سه‌ر حوسییه‌كانى یه‌مه‌ن رایگه‌یاند، به‌مزوانه‌ وه‌ڵامێكى توندی ئیسرائیل ده‌ده‌نه‌وه‌.

میدیاكانى ئێران له‌سه‌ر زارى سوپای پاسدارانى بڵاویكرده‌وه‌ "بەهۆی هێرشەكەی سەنعا، ئیسرائیل وەڵامێكی توندی دەدرێتەوە، بەردەوامبوونی هێرشەكانی ئیسرائیل بە پاڵپشتیی ئەمەریكا هەڕەشە بۆ سەر ناوچەكە و دنیا".

باس له‌وه‌شكراوه‌ "ئێمە پاڵپشتیی لە گەلانی فەلەستین و یەمەن دەكەین و لە رووبەڕووبوونەوەی ئیسرائیلیش سڵ ناكەینەوە، هێزە بەرگریكارەكانی ناوچەكە، بەتایبەتی لە یەمەن، وەڵامێكی بەهێز و بە ئازاری ئیسرائیل بەهۆی هێرشەكەی سەر سەنعا دەدەنەوە".

ئه‌وه‌ش له‌كاتێكدایه‌ 28ی ئەم مانگە فڕۆكە جەنگییەكانی ئیسرائیل كۆبوونەوەیەكی حكومەتی حوسییەكانی یەمەنیان لە سەنعا كردە ئامانج و بەو هۆیەوە ئەحمەد رەهوی سەرۆكی حكوومەت و ژمارەیەك وەزیر و فەرماندە كوژران و ژمارەیەكیشیان بریندار بوون.

ع