مه‌ودا میدیا-

وەزارەتی کارەبای حکومەتی هەرێمی کوردستان هەڵدەستێت بەئەنجامدانی تاقیکردنەوەی فشاری سەر تۆڕی کارەبای نیشتمانی لەهەر سێ پارێزگای هەولێر، سلێمانی و دهۆک. ئەم تاقیکردنەوەیە ناوچەکانی ناوەوەو دەرەوەی پڕۆژەی ڕووناکی دەگرێتەوە. 

له‌ راگه‌یه‌ندراوێكى وه‌زاره‌تى كاره‌با هاتووه‌ "ئەم تاقیکردنەوەیە رێکارێکی رۆتینییە کە بۆ تۆڕی کارەبا ئەنجامدەدرێت لەلایەن وەزارەتی کارەبای حکومەتی هەرێمی کوردستان، ئامانج لێی دیاریکردنی کێشەو خاڵە لاوازەکانی تۆڕەکانی گواستنەوەو دابەشکردنی کارەبایە لە ماوەی دوو رۆژی تاقیکردنەوە بۆ هەر پارێزگایەک کە تییایدا هاوڵاتییان کارەبای بەردەوامییان دەبێت".

بۆ ئەم مەبەستەش، وەزارەتی کارەبا ئاگاداری هاوڵاتییان دەکاتەوە لە ئەگەری پچڕانی نەخوازراوی کارەبا لەکاتی ئەنجامدانی تاقیکردنەوەکە.

ئەم تاقیکردنەوەیە لە پارێزگای هەولێر دەستپێدەکات لە بەرواری 1 و 2 ی ئەیلول.

ع