مەودا میدیا-

بەڕێوەبەرایەتیی ئاسایشی رۆژئاوای سلێمانی دەستگیرکردنی ئەو کەسانەی راگەیاند کە لە ناحیەی تەکیەی کاکەمەندی قەزای چەمچەماڵ تەقەیان لە تاوەرەکانی کارەبا کرد.

لە راگەیەندراوەکەدا هاتووە "لە دوو مانگی رابردوودا چەند کەسێکی لەیاسا لادەر بە مەبەستی دروستکردنی کێشە بۆ هاوڵاتییان و کوژاندنەوەی کارەبای ماڵەکانیان بەم وەرزی هاوینە تەقەیان لە تاوەری کارەبا دەکرد لە ناحیەی تەکیەی کاکەمەند".

 ئاماژە بەوەشکراوە "هێزەکانمان لە بەڕێوەبەرایەتیی ئاسایشی رۆژئاوای سلێمانی لەوبارەیەوە کەوتنە کۆکردنەوەی زانیاری لەسەر ئەو تۆمەتبارانە،سەرەنجام دوو کەس بەناوەکانی (ئ ،ر ، س) و (ب ، گ ، ئ) کە دانیشتوی ناحیەکەن لە 8 ی ئابی 2022 دەستگیرکران, لەئێستادا تۆمەتبارەکان بە بڕیاری دادوەری دادگەی لێکۆڵینەوەی چەمچەماڵ بەپێی مادەی (477) لە یاسای سزادان راگیراون".

س.ر