مەودا میدیا-


رووداوەکە لە فەرەنسا روویداوە و بە هۆی هێرشێکی چەکداری لەلایەن کەسانی نەناسراوەوە بۆ سەر بارەگایەکی کوردی لە پاریس سێ کەس کوژران و پێنج کەس بریندار کراون و کەسێکیش دەستگیرکراوە.

پۆلیسی فەرەنسا رایگەیاند لە ناوچەیەکی پاریس لەلایەن کەسانی نەناسراوەوە هێڕشکراوەتە سەر بارەگایەکی کوردی و لەئەنجامی هێرشەکە سێ کەس کوژراون و پێنج کەس بریندار و کەسێکیش دەستگیر کراوە. سەبارەت بە هۆکاری هێرشەکە تا ئێستا هیچ زانیاریەکی بڵاونەکراوەتەوە.

پۆلیسی شارەکە داوای لەخەڵک کردووە دوورکەونەوە لەو ناوچەیەی رووداوەکە تێیدا روویداوە و باس لەوەش کراوە ئەو شوێنەی هێرشکراوەتە سەری بنکەیەکی رۆشنبیرییە و ئەوانەشی لەوێبوون کوردبوون کە کوژراون و بریندار کراون.

لە ئێستادا پۆلیسی فەرەنسا سەرقاڵی لێکۆڵینەوەی زیاترە لەسەر رووداوەکە.



ژ.م