مەودا میدیا -
 
زانایان چەندین شێواز و چارەسەریان هێناوەتە ئاراوە کە دەتوانن یارمەتیدەربن لە بەرزکردنەوەی یادەوەری بە هەموو جۆرەکانییەوە، بەڵام دەروونناسێک دوای 10 توێژینەوە باس سەیرترین و سەرسوڕهێنەرترینیان دەکات.

 

سەبارەت بە ڕێگاکانی پاڵپشتی و بەهێزکردنی یادەوەری دکتۆر جێرمی دین، خاوەنی دکتۆرا لە دەروونناسیدا باس لە هەشت رێگا دەکات کە ئەمانەی خوارەوەن: 

 

1- وێنەکێشان

توێژینەوەکان دەریانخستووە کە کێشانی وێنەی وشە و شتەکان یارمەتیدەرە بۆ دروستکردنی یادەوەری بەهێزتر و متمانەپێکراوتر.

 

2- چاو داخستن

 

توێژینەوەکان دەریدەخەن کە بەڕاستی داخستنی چاوەکان دەتوانێت یارمەتیدەربێت لە دەستپێکردنی یادەوەرییەک.

 

3- هێنانەبەرچاوی چۆنییەتی دروستکردنی پەیوەندییەکان

 

خەیاڵکردنی ئەوەی کە شتەکان چۆن پەیوەندییان بە خۆتەوە هەیە یارمەتی بەرزکردنەوەی بیرهێنانەوە دەدات

 

4- پرۆڤەی 40  چرکەیی

 

پرۆڤەکردنی یادەوەرییەک تەنها بۆ ماوەی ٤٠ چرکە، دەتوانێت کلیلی بیرهێنانەوەی بەردەوام بێت.

 

5- رۆیشتن بە پێی رووتی (پەتی)

 

رۆیشتن بە پێی رووت زیاتر بیرەوەرییەکان باشتردەکات وەک لە رۆیشتن بە پێڵاوەوە، بۆنموونە ئەوانەی بە پێی رووت رادەکەن پێویستە خۆیان لە تەپوتۆز و هەر شتێکی دیکە بەدووربگرن کە رەنگە پێیان ئازار بدات بەم شێوەیەش بیرەوەرییەکان بەهێزتر دەبن.

 

6- دەستنووس (نووسینەوەی شتەکان)

 

نووسین بە دەست بیرگە باشتردەکات بە بەراورد بە نووسین لەسەر کیبۆردێکی فیزیکی. فیدباکێکی جوڵەیی لە پرۆسەی نووسینەوە، لەگەڵ هەستی دەست لێدانی کاغەز و قەڵەم، یارمەتی فێربوون دەدات و ئەو ناوچانەی مێشک کە گرنگن بۆ زمان بەهێزتر و چالاکتر دەبن.

 

7- بەرزکردنەوەی قورسایی

 

وەرزشکردن بەکێشی قورس دەتوانێت دەستبەجێ بیرەوەری درێژخایەن بە رێژەی نزیکەی %20 بەرزبکاتەوە.

 

8- چالاکییەکانی منداڵی

 

توێژینەوەیەک دەریخستووە کە سەرکەوتن بەسەر دارێکدا دەبێتە هۆی باشترکردنی یادەوەری کارکردن بە ڕێژەی %50.

 

ر.ع