مەودا میدیا-

پاش ئەوەی بۆ ماوەی دوو رۆژ بەهای نەوت بەرەو بەرزبوونەوە دەرۆیشت، ئەمڕۆ سەرلەنوێ نرخی نەوت لە بازاڕەكانی جیهاندا دابەزی و شارەزایان دەڵێن بەردەوامیی لە دابەزینی بەهای نەوتی خاو مەترسیی ئابووریی دروستدەكات.

نرخی خاوی برێنت لە بازاڕەكانی جیهاندا ئەمڕۆ هەینی 12ی ئایاری 2023 38 سەنت دابەزینی تۆماركرد و یەك بەرمیل نەوتی برێنت بە 74.6 دۆلار مامەڵەی پێوەكرا، نرخی نەوتی رۆژئاوای تەكساسی ئەمەریكی هاوشێوە برێنت دابەزیوە.

بەپێی ئاژانسە ئابوورییەكانی جیهان، یەك بەرمیل نەوتی خاوی تەكساسی ئەمریكیی ئەمڕۆ پێنجشەممە بە 70.67 دۆلار مامەڵەی پێوەكراوە و بەهاكەی بەراورد بە رۆژی رابردوو 0.2 سەنت دابەزیوە.

لەم هەفتەیەدا بەهای هەردوو جۆری نەوتی خاو لە بازاڕەكانی جیهان بەرزبوونەوەیەكی بەرچاوی بەخۆوە بینی، پاش ئەوەی سێ هەفتەی رابردوو نرخەكەیان بە ئاستێكی بەرچاو لە دابەزینی بەردەوامدا بوو، بەڵام دوای بەرزبوونەوەی لە دوو رۆژی رابردوودا، بەهای نەوت ئەمڕۆ سەرلەنوێ دابەزی.

هاوكات جەنگی نێوان رووسیا و ئۆكرانیا یەكێكە لە فاكتەرە سەرەكییەكانی ناجێگیریی  نرخی نەوت و گۆڕانكاریی لە وەبەرهێنانی بەرهەمەكە لە جیهاندا.

ژ.ع