مەودا میدیا-

بەڕێوەبەری تەندروستی پارێزگای هەڵەبجە رایدەگەیەنێت نەخۆشخانەیەكی تایبەت بە توشبووانی كۆرۆنا دروست دەكرێت و بڕیارە لە 20 رۆژی داهاتوودا كارەكانی تەواو بكرێن.

ئازاد مستەفا، بەڕێوەبەری گشتی تەندروستی پارێزگای هەڵەبجە بە مەودا میدیای راگەیاند "چەند خێرخوازێك لەسەر تێچووی خۆیان نەخۆشخانەیەكی تایبەت بە توشبووانی كۆرۆنا دروست دەكەن".

ئاماژەی بەوەشكرد "ئەو نەخۆشخانەیە دەست بە كارەكانی كراوە لە ئەمڕۆوە و بڕیارە لە 20 رۆژی داهاتوو تەواو بكرێت و لە تەنیشت نەخۆشخانەی فریاكەوتنی هەڵەبجە دەبێت".

وتیشی "نەخۆشخانەكە 64 قەرەوێڵەیی دەبێت و تایبەت دەبێت بە توشبووان هیوادارین پێویستمان نەبێت بۆ ئەو نەخۆشانە".

تائێستا یەك حاڵەتی توشبوون بە نەخۆشی كۆرۆنا لە سنوری پارێزگای هەڵەبجە تۆماركراوە كە هاوڵاتییەكی دانیشتووی شارۆچكەی تەوێڵەیە.