مەودا میدیا-

فەرماندەیی ئۆپەراسیۆنەکانی بەغدا رایدەگەیەنێت بەھۆی سەرپێچی قەدەغەی ھاتووچۆ زیاتر لە 125 ئۆتۆمبێل و ماتۆڕسكیل دەستی بەسەردا گیراوە ئاماژە بەوەشکراوە 306 كەسیان دەستگیر كردووە.

فەرماندەیی ئۆپەراسیۆنەکانی بەغدا لە راگەیاندراوێکدا ئاشکرای کرد "306 کەس بەهۆی سەرپێچی لە قەدەغەی هاتووچۆ دەستگیرکراون، هەروەها دەستیش بەسەر 127 ماتۆڕسکیل و ئۆتۆمبێلدا گیراوە".

لە راگەیاندراوەکەی فەرماندەیی ئۆپەراسیۆنەکانی بەغدا هاتووە "چوار هەزار و 132 پێبژاردنیش بۆ سەرپێچیکاران کراوە".

جێگای ئاماژەیە، بەهۆی بڵاوبوونەوەی ڤایرۆسی کۆرۆناوە ماوەی چەند رۆژێكە قەدەغەی ھاتووچۆ لە شار و شارۆچكەكانی عیراق راگەیەندراوە.