ژمارەیەك لە جوتیارانی سنوری ناحیەی نەوجول رێگرییانكرد لە ناردنی گەنمی جوتیارانی گەرمیان بۆ سایلۆی كەركوك، بەڵام دواتر كێشەكە چارەسەركرا.

جەلال ئەحمەد، سەرۆكی لقی گەرمیانی یەكێتی جوتیارانی كوردستان بە مەودا میدیای راگەیاند" چەند جوتیارێك لە سنوری ناحیەی نەوجول ریگرییان كردووە لەوەی جوتیارانی سنوری گەرمیان گەنمەكانیان ببەن بۆ سایلۆی كەركوك". 

وتیشی"بە هەوڵی هەریەك لە قایمقامی قەزای كفری و بەڕێوەبەری ناحیەی نەوجول كێشەكە چارەسەركراوە و جوتیارەكانیش بەڵێنیانداوە جارێكیتر رێگری لە جوتیاران نەكەن بۆ بردنی گەنمەكانیان بۆ سایلۆی كەركوك".

ئاماژەی بۆ ئەوەشكرد"هۆكاری رێگریكردنی ئەو جوتیارانە ئەوەبووە كە ئەوانیش بەرهەمی گەنمیان هەبووە و وتوویانە تا سایلۆی كەركوك گەنمەكانی ئەوان وەرنەگرێت رێگا بە هیچ كەسێكیتر نادەن گەنم بباتە سایلۆی كەركوك.
ئ.پ