مه‌ودا میدیا-

سه‌باره‌ت به‌ گرفتى دواخستنى خه‌رجكردن و نه‌ناردنى پاره‌ى گه‌نمى جووتیارانى هه‌رێمى كوردستان له‌ لایه‌ن عیراقه‌وه‌ و خه‌رجكردنى پاره‌ى جووتیارانى پارێزگاكانى عیراق، ئه‌ندامێكى لیژنه‌ى كشتوكاڵى په‌رله‌مانى عیراق زانیاریی زیاتر ده‌خاته‌ڕوو، وه‌ باسى رێگه‌چاره‌یه‌كیش ده‌كات.

غه‌ریب ئه‌حمه‌د، ئه‌ندامى لیژنه‌ى كشوكاڵ له‌ په‌رله‌مانى عیراق بۆ مه‌ودا میدیا رایگه‌یاند "گرفته‌كه‌ زیاتر جووتیارانى هه‌رێمى كوردستان و به‌شێك له‌ جووتیاره‌ كورده‌كانى پارێزگاى كه‌ركوكى گرتووه‌ته‌وه‌".

له‌باره‌ى ئه‌وه‌ى بۆچى ته‌نها هه‌رێم، ئاماژه‌ى به‌وه‌كرد "له‌م دۆخه‌ى ئێستادا هه‌رێمى كوردستان له‌ چیدا تووشى گرفت نه‌بووه‌، وه‌ پێویسته‌ له‌ سه‌ر بنه‌مایه‌كى پته‌و رێككه‌وتنێك بكرێت، كه‌ بۆ له‌مه‌ودوا هیچ گرفتێك نه‌یه‌ته‌ پێش له‌ كاتى رایی كردنى مامه‌ڵه‌كانى هه‌رێمى كوردستان".

روونیشیكرده‌وه‌ "له‌به‌ر ئه‌وه‌ هه‌رێم به‌پێچه‌وانه‌ى پارێزگاكانى تره‌وه‌ تووشى گرفت و لاوازى ده‌بێته‌وه‌ و ده‌بێت له‌ رێگه‌ى ئێمه‌ومانانه‌وه‌ كار له‌ به‌ده‌ستهێنانى مافه‌كانمان بكه‌ینه‌وه‌".

هۆكارێكیش بۆ فره‌پێكهاته‌یی و فره‌ئایینى له‌ عیراق گه‌ڕانده‌وه‌ و وتى "ئه‌وه‌ش واى كردووه‌ هه‌ر وه‌زیرێك به‌پێى میزاجى خۆى مامه‌ڵه‌ به‌ وه‌زاره‌ته‌كه‌یه‌وه‌ بكات".

پ ح ع