مەودا میدیا-

هاوڵاتییان نیگەرانن لە کارکردنی پاسە مۆدێل كۆنەکانی ناوبازاڕ و کۆڵان و گەڕەکەکان و داوای گۆڕینی ئەو پاسانە دەکەن.

لە وەرزی هاوین و زستان ئەو پاسە کۆنانەی کە لە هێڵەکانی ناوشار بۆ گەڕەک و کۆڵانەکان کار دەکەن و سەرنشین دەگوازنەوە، گەورەترین گرفتیان دروستکردووەو گەرمکەرەوەو فێنککەرەوەیان نییەو ئەوەش بووەتە مایەی نیگەرانی خەڵک.

لەلایەکی ترەوە، ئەو پاسانە هیچ مەرجێکی سەلامەتی و تندوتۆڵییان تێدانییەو زیاتر لە سێ دەیەیە کاردەکەن و پێویستە حکومەت لە رێگەی پرۆژەیەکەوە ئەو پاسانە بگۆڕێت و پاسی نوێ لە هێڵەکانی گواستنەوە دابنێت.

لای خۆیەوە سدیق محەمەد، بەڕێوەبەری گواستنەوەی سلێمانی بە مەودا میدیای راگەیاند "چەندین ساڵە پرۆژەمان هەیە بۆ چاککردن و گۆڕینی ئەو پاسە کۆنانەی ناوشاری سلێمانی بەشێوەی سەردەمیانە، بەڵام بودجەیەکی زۆری دەوێت و تا ئێستا نەکراوە".