مه‌ودا میدیا-

سه‌رۆكى ده‌سته‌ى جێبه‌جێكاری سه‌رژمێریی گشتیی هه‌رێمى كوردستان رایده‌گه‌یه‌نێت، ئه‌گه‌ر كه‌س و خێزانێك خۆیان تۆمار نه‌كه‌ن گرفتێك دروست نابێت.

مەحمود عوسمان، سەرۆکى دەستەى جێبەجێکارى سەرژمێریى گشتى لە هەرێمى کوردستان رایگەیاند "ئەو کەسانەی لەسەرژمێری خۆیان تۆمار ناکەن، کاتێک تیمەکانیان دەچنە ماڵەکانیان و کەس لەماڵ نییە، ئەوا هیچ زیانێکیان بەرناکەوێت".

باسى له‌وه‌شكرد " ئەو زانیارییانەی لە سەرژمێریی وەردەگیرێن، نادرێت بەهیچ وەزارەت و بەرپرسێک".

وتیشی "ئەگەر کەسێک رێگری بکات لەوەی سەرژمێریی بکەن، بە بژمێرەکان بڵێت نامەوێت خۆم تۆمار بکەم ئەوا بەگوێرەی یاسا سزای ماددی و بەندکردن دەدرێت".

رۆژى 4 شه‌ممه‌ و 5 شه‌ممه‌ى ئه‌م هه‌فته‌یه‌ سه‌رژمێریی له‌ عیراق و هه‌رێمى كوردستان ده‌ستپێده‌كات.

ع