مەودا میدیا-

وەزارەتی بەرگریی سوریا سەبارەت بە هێرشی گرووپەکانی سەربە تورکیا و لەدەستدانی حەلەب و چەند ناوچەیکی تری وڵاتەکەی راگەیەندراوێکی بڵاوکردەوە.

رایگەیاند "بەمنزیکانە هێرشی پێچەوانە بۆ  کۆنترۆڵکردنی سەرجەم ناوچە داگیر کراوەکان دەستپێدەکەینەوە".

ئاماژەی بۆ ئەوەشکرد "هێزەکانمان بە هاوکاریی هاوپەیمانەکانمان هێرشیکی بەهێز بۆ وەرگرتنەوەی هەموو ناوچەکان و رزگارکردنیان لە تیرۆریستان دەستپێدەکەن".

ئەوەشی خستەڕوو "هەڵمەتی رووبەڕووبوونەوەی پەلاماری تیرۆریستان بە سەرکەوتن و ئیرادەیەکی بەهێزەوە بەردەوامە".

ئەمە لە کاتێکدایە، لە رۆژی چوار شەممە 2024/11/27، گرووپە چەکدارەکان  لەژێر ناوی (تەحریر شام) کۆبوونەتەوە، هێرشێکی بەربڵاویان بۆ سەر پێگەکانی سوپای سوریا دەستپێکردووە تاوەکو ئێستا دەستیان بەسەر چەند شار و ناوچەی ئیدلب و حەلەبدا گرتووە".

ب ح