مەودا میدیا-

رۆژی چوارشەمە 2025/3/19، لە بانکی کەلار دەست دەکرێت بە دابەشکردنی پارەی کارمەندانی سەرپەرشتی هەڵبژاردنەکان.

فەتاح ئەحمەد، لێپرسراوی بنکەی کۆمیسیۆنی باڵای سەربەخۆی هەڵبژاردنەکان لە رزگاری بە مەودا میدیای راگەیاند "چەکی شایستە داراییەکانی ئەو کەسانەی وەک کارمەندی کۆمیسیۆن، پرۆسەی هەڵبژاردنیان بەڕێوەبردووە گەیشتووەتە بانکەکان و سبەینێ دەست بە دابەشکردنی دەکەن"

ئاماژەی بۆ ئەوەشکرد "پێویستە هەر کارمەندێک خۆی ئامادەبێت بۆ وەرگرتنی پاداشتەکەی و پێداویستییەکانی وەک (کارتی نیشتمانی + کارتی دەنگدان ) لەگەڵ خۆی بهێنێت".

ئەوەشی خستەڕوو "هەر کارمەندێک رۆژی هەڵبژاردن کارتی دەنگدانی لێوەرگیراوە لەئێستادا لە ناوەندەکانی کۆمسیۆنەو پێویستە پێشوەختە کارتی دەنگدان وەر بگرنەوە پاشان سەردانی بانک بکەن".

ب ح