مەودا میدیا-

دوای جەژنی رەمەزان شایستە داراییەکانی بەشێک لە کارمەندانی پڕۆسەی  سەرژمێری گشتیی دانیشتووان بۆ ساڵی 2024 دابەش دەکرێت و بەڕێوەبەری ئاماری سلێمانیش جەخت لەوە دەکاتەوە بەغدا بەرپرسە لە دابینکردنی شایستەی دارایی بژمێرەکان بۆ مانگی 12ی ساڵی رابردوو. 

شوان جەبار، بەڕێوەبەری ئاماری سلێمانی بە مەودا میدیای راگەیاند "شایستەی دارایی بەشێک لە کارمەندانی سەرژمێری بەتایبەت (بەڕێوەبەر و یاریدەدەرەکان) گەیشتووەتە هەولێرو تەنها واژۆی بەشی وردبینی وەزارەتی پلاندانانی ماوە".

ئاماژەی بۆ ئەوەشکرد "ئەو پارەیەی هاتوو تایبەتە بە (وانەکان و گواستنەوەو سووتەمەنی) دوای جەژن بەسەریاندا دابەش دەکرێت، بەڵام سەبارەت بە بژمێرەکان، هەموو لیستەکان ئاڕاستەی بەغدا کراوەو بەغداش کەمی تەمویلی هەیە و داوای تەمویلی کردووەو لەگەڵ دابەشکردنی پاداشتی کارمەندانی ناوەڕاست و باشووری عیراق، راستەوخۆ لێرەش دابەش دەکرێت".

ب ح