مەودا میدیا-

نووسینگەی راگەیاندنی سەرۆك وەزیرانی عیراق لەبارەی واژۆكردنی گرێبەستێک بۆ پەرەپێدان و بەرهەمهێنانی نەوت لە چەند كێڵگەی كەركوك راگەیەندراوێكی بڵاوكردەوە.

نووسینگەی راگەیاندنی سەرۆك وەزیرانی عیراق رایگەیاند "ئەمڕۆ بە سەرپەرەشتی  محەمەد شیاع سودانی، گرێبەستی نێوان وەزارەتی نەوت و كۆمپانیای (بی پی)ی بەریتانی واژۆکرا".

ئاماژەی بۆ ئەوەشکرد "گرێبەستەکە تایبەتە بە پڕۆژەی پەرەپێدان و بەرهەمهێنانی چوار كێڵگەی نەوتی كەركوك کە لە ( ئاڤانا، بای حەسەن، جەمبور و خەباز) پێکهاتوون".

ئەوەشی خستەڕوو "ئامانج لە گرێبەستەكە  زیادكردنی رێژەی بەرهەمهێنانی نەوتی خاوە تاوەکو 420 هەزار بەرمیل نەوتی رۆژانە لە كێڵگەکان، وە هەروەها راگرتنی سووتانی بەردەوامی غاز و بەكارهێنانی بە شێوەیەكی گونجاو و دابینكردنی سووتەمەنی پێویست بۆ وێستگەكانی كارەبا".

ب ح