مەودا میدیا-

پاشنیوەڕۆی ئەمڕۆ پێنجشەممە 2025/4/3،  لە گوندی دووسەرەی سەر بە ناحیەی شەمامک لە هەولێر هاوڵاتییەک لەسەر بردنی سەگەکەی لەلایەن کەسێکەوە کوژرا.

بەپێی زانیارییەکان، دوای ئەوەی کەسێک سەگی ماڵێکی دراوسێیەکەیان دەبات، دواتر خاوەن سەگەکە دەچێت ماڵی دراوسێیەکەیان بۆ هێنانەوەی سەگەکە، بەڵام دەبێتە کێشە و لە ئەنجامدا خاوەنی سەگەکە دەکوژرێت.

بەپێی وتەی یەکێک لە دانیشتووانی گوندەکە، شەوێک پێشتر، بکوژەکە بەبێ ئاگاداری دراوسێکەی کە ناوی (ئیسماعیل قەساب)ە سەگەکەیانی بردووە، کاتێک ئیسماعیل بەیانی سەگەکەی خۆیانی هێناوەتەوە، ناکۆکی لەنێوانیان دروست بووە و لەو نێوەندەدا (ئیسماعیل قەساب) خاوەن سەگ کوژراوە.

ب ح