مەودا میدیا-

وەزارەتی سامانە سرووشتییەکان بڵاویکردەوە بەپێی بڕیارێکی دادگای ناوبژیوانی نێودەوڵەتی بڕیاریدا کۆمپانیای گەنێل ئینێرجی میران بینا باوی لیمیتەد نزیکەی 27 ملیۆن دۆلاری ئەمەریکی بدات بە حکومەتی هەرێم.

وەزارەتی سامانە سرووشتییەکان رایگەیاند "بڕیارەکە دوای بڕیاری دادگای ناوبژیوانی دێت کە لە کانوونی دووەمی 2024دا، کە تێیدا دادگاکە بڕیاریدا کە حکومەت بە شێوەیەکی رەوا PSCی بینا باوی و میرانی هەڵوەشاندەوە و هەموو داواکارییەکانی کۆمپانیای گەنێل ئینێرجی میران بینا باوی لیمیتەدی لە دژی حکومەت رەتکردەوە".

ئاماژەی بۆ ئەوەشکرد  "لە 2025/4/4، دادگای ناوبژیوانی بڕیاری کۆتایی خۆی سەبارەت بە تێچوونەکان دەرکرد، کە تێیدا بڕیاریدا کۆمپانیای گەنێل ئینێرجی میران بینا باوی لیمیتەد بڕی 26,868,905.29$ دۆلاری ئەمریکی بدات بە حکومەت، لەگەڵ سوودی دوای بڕیارەکە".

ب ح