مەودا میدیا-

بەڕێوەبەرایەتی گشتیی کارەبای سلێمانی بڵاویکردەوە کە لیژنەی دیاریكردنی نرخی موه‌لیده‌ ئه‌هلییه‌كان به‌پێی نرخی سووته‌مه‌نی له‌ بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر (43) دینار دیاریکراوە.

بەڕێوەبەرایەتی گشتیی کارەبای سلێمانی "نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری سلێمانی بۆ مانگی سێ له‌نێوان (هەشت هەزارو 250 دینار) بۆ (نۆ هەزار و 250) دیناردایە".

ئاماژەی بۆ ئەوەشکرد "موەلیدەکان لە نێوان (195 بۆ 210) کاتژمێر کاریان کردووە بەڵام نرخی ئەو موەلیدانەی کە لە کاتژمێر 7:00ی بەیانی بۆ 1:00ی شەو کاردەکەن نرخیان جیاوازە".

ئەوەشی خستەڕوو " له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده‌ و پێدانی كاره‌با به‌هاوڵاتییان له‌ (10) خوله‌ك زیاتر بخایه‌نێت، به‌پێچه‌وانه‌وه‌ خاوه‌ن موه‌لیده‌كه‌ سزاده‌درێت".

خشته‌ی كارپێكردنی موه‌لیده‌ش بۆ مانگى (4) بەمشێوەیە دەبێت:

رۆژانە لەکاتژمێر 12:00ی نیوەڕۆ تا 1:00ی شەو کاردەکەن

کاتژمێر 1:00ی شەو دەکوژێتەوە تاوەکو 6:30ی بەیانی

کاتژمێر 6:30 بەیانی تاوەکو 8:00 ی بەیانی کاردەکەن

کاتژمێر8:00ی بەیانی تاوەکو 12:00ی نیوه‌ڕۆ کارناکەن

ب ح