مه‌ودا میدیا-

ئه‌مڕۆ سێشه‌ممه‌، ئه‌نجومه‌نى وه‌زیرانى عیراق كۆبووه‌وه‌ و به‌شێكى كۆبوونه‌وه‌كه‌ تایبه‌ت بوو به‌ مووچه‌ى فه‌رمانبه‌رانى هه‌رێم.

به‌پێى زانیارییه‌كانى مه‌ودا میدیا "له‌ كۆبوونه‌وه‌كه‌ راپۆرتی تایبه‌ت به‌ لیژنه‌ وه‌زاریه‌كه‌ى عیراق خوێندراوه‌ته‌وه‌، دواتریش باس له‌ كێشه‌كه‌ و چاره‌سه‌ریش كراوه‌ و داواكراوه‌ هه‌رێم پابه‌ندی رێككه‌وتن و هه‌نارده‌ى نه‌وت بێت".

هیچ بڕیارێك له‌باره‌ى ناردنى پاره‌ بۆ مووچه‌ى فه‌رمانبه‌رانى هه‌رێم نه‌دراوه‌، ته‌نها ماوه‌ته‌وه‌ سه‌ر ئه‌وه‌ى هه‌رێم نه‌وت و داهاته‌كان راده‌ستى به‌غدا بكات و ته‌وتینى مووچه‌ش بكات.

بڕیاره‌ سبه‌ینێ ئه‌نجومه‌نى وه‌زیرانى هه‌رێم كۆببێته‌وه‌ و هیچ پێشبینییه‌كیش نییه‌ بۆ بریاردان له‌ باره‌ى دابه‌شكردنى مووچه‌.

ع