مه‌ودا میدیا-

سبه‌ینێ هه‌ینى، ژماره‌یه‌ك كۆڵان و گه‌ڕه‌كى ترى شارى سلێمانى ده‌چنه‌ چوارچێوه‌ى پرۆژه‌ى رووناكى و به‌هۆیه‌وه‌ موه‌لیده‌ى گه‌ڕه‌كه‌كان ده‌كوژێنرێنه‌وه‌.

عه‌باس ره‌حیم، خاوه‌ن موه‌لیده‌ به‌ مه‌ودا میدیاى راگه‌یاند "ئاگاداركراوین سبه‌ینێ هه‌ینى، ژماره‌یه‌ك كۆڵان و گه‌ڕه‌كى ترى شارى سلێمانى ده‌چنه‌ چوارچێوه‌ى پرۆژه‌ى رووناكى بۆ دابینكردنى كاره‌باى 24 كاتژمێری".

وتیشى "سبه‌ینێ له‌ گه‌ڕه‌كه‌كانى وڵوبه‌ و شێخ عه‌باس و چه‌ند كۆڵانێكى تر پرۆژه‌ى رووناكى ده‌كه‌وێته‌ كارو  به‌هۆیه‌وه‌ ئه‌و موه‌لیدانه‌ى ده‌كه‌ونه‌ ناو ئه‌و گه‌ڕه‌كانه‌ ده‌كوژێنرێنه‌وه‌".

له‌ ماوه‌ى رابردوو به‌هۆى پرۆژه‌ى رووناكى له‌ ناو شارى سلێمانى زیاتر له‌ 300 موه‌لیده‌ كوژێنراونه‌ته‌وه‌.

ع