مەودا میدیا-

هەڵسوڕێنەری كاروباری باڵیۆزخانەی ئەمەریكا لە بەغدا له‌گه‌ڵ جێگری یه‌كه‌می سه‌رۆكی په‌رله‌مانی عیراق کۆبووە و پرۆژه‌ یاسای پێشنیازكراوی حه‌شدی شه‌عبییان تاوتوێ كرد.

ستیڤن فەیگن، هەڵسوڕێنەری كاروباری باڵیۆزخانەی ئەمەریكا لە بەغدا رایگەیاند "پەسەندکردنی یاسای حەشدی شەعبی، هەژمونی ئێران بە دامەزراوەیی دەكات و گرووپە تیرۆریستییە چەکدارەکان بەهێزتر دەکات، ئەوەش هەڕەشە لە سەروەری عیراق دەکات".

ئەمەش لە کاتێکدایە، هەفتەی رابردوو وەزیری دەرەوەی ئەمەریکا لە پەیوەندییەکی تەلەفۆنیدا هۆشداریدا بە محەمەد شیاع سودانی، سەرۆك وەزیرانی عیراق لە ئەگەری تێپەڕاندنی پڕۆژە یاسای دەستەی حەشدی شەعبی و بە زیادبوونی هەژمونی ئێران و مەترسی بۆ سەروەریی عیراق ناوبرد.

ب ح