مەودا میدیا-

بەڕێوەبەری گشتیی بازرگانی لە وەزارەتی بازرگانیی هەرێم ئاشکرایکرد ئامادەکاریی دەکەن بۆ دابەشكردنی بەشەخۆراکی پێنجەمی ئەمساڵ.

نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی هەرێم رایگەیاند "وەزارەتی بازرگانی عیراق دەست بە دابەشکردنی بەشەخۆراكی پێنجەمی ئەمساڵ دەکات".

ئاماژەی بۆ ئەوەشکرد "لیستی خۆراک دەدەنە بریكارەكان و لەم چەند رۆژەدا بەشەخۆراک بەسەر هاوڵاتییان دابەش دەکرێت و دڵنیایی دەدەن جگە لە زەیت، بەشەخۆراكەكانی ترهەمووی هەیە".

ئەوەشی خستەڕوو "بەشەخۆراكی پێنجەم پێكهاتووە لە (برنج سێ كیلۆ، شەكر كیلۆیەك، زەیت لیترێكە، 400 گرام دۆشاوی تەماتە، لەگەڵ 500 گرام نیسک، لەگەڵ لەتکە نۆك، لە هەندێك شوێنیش فاسۆلیا) دابەش دەکرێت".

ب ح