مەودا میدیا-
دوای چەند هەفتەیەك لە هێرشە درۆنییەكانی سەر كێڵگە نەوتییەكانی هەرێم و كەمبوونەوەی ئاستی بەرهەمهێنانی نەوت، لە ئێستادا بەرهەمی رۆژانەی ئەو كێڵگانە نزیكبووەتەوە لە ئاستی پێشتر.

كۆمپانیای گوڵف كیستۆنی ئەمەریكی لە راگەیاندراوێكدا دەڵێت"بەرهەمهێنانی نەوتیان لە كێڵگەی شێخان دەستپێكردووەتەوە ئەویش دوای ئەوەی بۆ ماوەی نزیكەی مانگێك بەهۆی هێرشە درۆنییەكانەوە دەرهێنانی نەوت لەكێڵگەكە راگیرابوو". 

ئاماژەی بۆ ئەوەشكردووە"پێشتر بەرهەمی كێڵگەكە رۆژانە 46 هەزار بەرمیل نەوت بووە، بەڵام ئێستا نزیكەی 30 هەزار بەرمیلە و لە چەند رۆژی داهاتووشدا دەیگەیەننەوە ئاستی پێش هێرشە درۆنییەكان". 

ئەوەش لە كاتێكدایە كە بە دەستپێكردنەوەی بەرهەمهێنان لە كێڵگەی شێخان و زیادبوونەوەی ئەو 30 هەزار بەرمیلەی كێڵگەكە، ئاستی بەرهەمهێنانی نەوت لە هەرێم دەگاتە نزیكەی 230 هەزار بەرمیل نەوتی رۆژانە.
ئ پ