مەودا میدیا-
تا ئەمڕۆ شەممە 16ی ئاب هێشتا حكومەتی هەرێم نەوتی رادەستی حكومەتی عیراق نەكردووە و هیچ ئامادەكارییەكیشی بۆ ئەو كارە نەكردووە. 

عەلی حەمەساڵح، ئەندامی پەرلەمانی كوردستان رایگەیاند"بڕیار بوو ئەمڕۆ نەوت رادەستی حكومەتی عیراق و كۆمپانیای سۆمۆ بكرێت، بەڵام ئەم بەیانییە بەدواداچوونمان كردووە و بەهیچ شێوەیەك نەوتەكە رادەست نەكراوە". 

وتیشی"تا ئێستا هەرێمی كوردستان نەك هەر نەوتی نەناردووە، بەڵكو هیچ ئامادەكارییەكیشی بۆ رادەستكردنی نەوت نەكردووە". 

ئاماژەی بۆ ئەوەشكرد"حكومەتی هەرێم بیانووی ئەوەیە كە دەڵێت، لەگەڵ كۆمپانیاكانی نەوتدا هێشتا رێكەوتن نەكراوە و دەبێت حكومەتی عیراق لەگەڵیان رێكەوتن بكات". 

باسی لەوەشكرد"حكومەتی هەرێم ئەمڕۆ لە بازاڕدا نەوتی بە تانكەر فرۆشتووە تەنی بە 250 دۆلار، واتا بەرمیلی بە نزیكەی 30 بۆ 32 دۆلار، بەڵام ئامادە نین رادەستی عیراقی بكەن لە كاتێكدا پێرێ‌ نزیكەی 20 كەس لێكتێگەیشتنیان بۆ هەناردەكردنەوەی نەوتی هەرێم واژۆ كردووە". 
ئ پ