مەودا میدیا-

بەڕێوەبەری گشتیی پیشەسازیی و بازرگانی لەوەزارەتی بازرگانی ‌و پیشەسازیی ھەرێم ئاشکرایکرد لەئێستادا ھیچ بڕیارێک نییە بۆ راگرتن‌ و قەدەغەکردنی ھاوردەكردنی ئۆتۆمبێلی چینی بۆ پێشانگاکانی کوردستان.

نەوزاد شێخ كامیل، بەڕێوەبەری گشتیی پیشەسازیی و بازرگانی رایگەیاند "بۆ قەدەغەکردنی هاوردەکردنی ئۆتۆمبێل یان هەر کەرەستە و پێداویستییەک، پێویستە بەغدا بەفەرمی نوسراو ئاراستەی حکومەتی هه‌رێم بکات بەڵام تاوەکو تائێستا هیچ نوسراوێک نەگەیشتۆتە هه‌رێم".

ئاماژەی بۆ ئەوەشکرد "لەئێستادا به‌ بڕیاری ئەنجومەنی وەزیرانی هه‌رێم، تەنها رێگە به‌هاوردەکردنی ئۆتۆمبێلی نوێ  دەدرێت‌ و رێگە بە هاوردەکردنی ئۆتۆمبێلی کۆن و خوار مۆدێل نادرێت".

ئەوەشی خستەڕوو "تەنها لەشەش مانگی سەرەتای ئەمساڵدا، ھاوردەكردنی ئۆتۆمبێل بۆ ھەرێمی كوردستان، گەیشتووەتە زیاتر لە90 ھەزار ئۆتۆمبێل لە هەموو جۆرەکان".

ب ح