مه‌ودا میدیا-

جوتیارێكى نمونه‌یی داوا ده‌كات حكومه‌تى هه‌رێم بازاڕ بكاته‌وه‌ بۆ ساغبوونه‌وه‌ى به‌رهه‌مى ته‌ماته‌ كه‌ ملیۆن ته‌ن ده‌بێت و پاره‌ ناكات له‌ناوخۆى هه‌رێم.

خه‌سره‌و جاف، جوتیارى نمونه‌یی به‌ مه‌ودا میدیاى راگه‌یاند "به‌رهه‌مى ته‌ماته‌ى هه‌رێم به‌ ملیۆن ته‌ن ده‌بێت، ته‌نها ته‌ماته‌ى شاره‌زوور و پێنجوێن سه‌دان هه‌زار ته‌ن ده‌بێت".

وتیشى "ئه‌وه‌نده‌ زۆره‌ رۆژانه‌ به‌ ده‌یان بارهه‌ڵگر ته‌ماته‌ ده‌برێته‌ عه‌لوه‌ى سلێمانى، ئه‌مه‌ جگه‌ له‌ عه‌لوه‌ى هه‌ڵه‌بجه‌ و سه‌یدسادق، به‌هۆى ئه‌وه‌ى بازاڕ نییه‌ بۆ ساغبوونه‌وه‌ ته‌ماته‌كه‌ش پاره‌ ناكات".

ئه‌وه‌شى خسته‌ڕوو "پێویسته‌ حكومه‌تى هه‌رێم له‌گه‌ڵ حكومه‌تى به‌غدا رێبكه‌وێت بۆ ئه‌وه‌ى هاورده‌ى ته‌ماته‌ له‌ عیراقه‌وه‌ رابگیرێت و ته‌نها ته‌ماته‌ى ناوخۆى هه‌رێم ساغبكرێته‌وه‌ تا جوتیاران زیان نه‌كه‌ن".

ع