مەودا میدیا-

ئەنجومەنی باڵای دادوەریی عیراق ئاماری شەش مانگی یەکەمی ئەمساڵی سەبارەت بە حاڵەتەکانی هاوسەرگیری و جیابوونەوەی خێزانی بڵاوکردەوە.

ئەنجومەنی باڵای دادوەریی عیراق رایگەیاند " لەمساڵدا زیاتر لە 34 هەزار خێزان لەسەر ئاستی 15 پارێزگا جیابوونەتەوە و زۆرترین حاڵەتی جیابوونەوەش لە دادگای تێهەڵچوونەوەی بەغدا تۆمارکراوە".

ئاماژەی بۆ ئەوەشکرد "171 هەزار و 845 کەس هاوسەرگیریان کردووە کە بەرزترین رێژەی هاوسەرگیری لە مانگی شوبات تۆمارکراوە، کە بەرێژەی 18,3% بووە".

ئەوەشی خستەڕوو "کەمترین حاڵەتی هاوسەرگیری  لە موسەننا تۆمارکراوە کە لە شەش مانگی یەکەمی ئەمساڵدا تەنها 2% حاڵەتی هاوسەرگیری هەبووە".

ب ح