مەودا میدیا-
لیژنەی كشتوكاڵ لە پەرلەمانی عیراق رایگەیاند"بەهۆی كەمئاوییەوە نزیكەی 20 ملیۆن هاوڵاتی عیراق ژیانیان لە مەترسیدایە، بەجۆرێك بەشێكی زۆر لە گوندنشینان وازیانهێناوە لە كاری كشتوكاڵی".

فالح خەزعەلی، سەرۆكی لیژنەی كشتوكاڵ لە پەرلەمانی عیراق رایگەیاند"هۆكاری سەرەكی كەمبوونەوەی ئاو گرتنەوەی ئاوی رووباری دیجلە و فوراتە لەلایەن توركیاوە".

وتیشی" داوا لە حكومەتی فیدراڵی دەكەین لەگەڵ توركیا قسە بكەن بۆ بەردانەوەی ئاوی زیاتر كە كەمتر نەبێ لە 800 مەتر سێجا ئاو لە چركەیەكدا، بۆ ئەوەی رووباری دیجلە و فورات ببوژێتەوە بە ئاوی خواردنەوە و بەكارهێنانی بۆ كشتوكاڵی". 

ئاماژەی بۆ ئەوەشكرد"جگە لەوەی ئێستا بەشی هەرەزۆری شارەكانی عیراق بەدەست كێشەی كەمئاوییەوە دەناڵێنن، بەشێكی زۆری گوندنشینانیش ژیانیان كەوتووەتە مەترسییەوەو لەبەر وشكبوونی سەرچاوەكانی ئاو وازیانهێناوە لە كاری كشتوكاڵی و بە ناچاری روویان لە شارەكان كردووە". 
ئ پ