مەودا میدیا-

کۆمسیۆنی باڵای هەڵبژاردنەکانی عیراق مۆڵەتی سێ رۆژ دەداتە حزب و قەوارە سیاسییەکان بۆ پڕکردنەوەی شوێنی کاندیدە لادراوەکانیان بۆ هەڵبژاردنی پەرلەمانی عیراق.

عیماد جەمیل، سەرۆکی تیمی راگەیاندنی کۆمسیۆنی باڵای هەڵبژاردنەکانی عیراق رایگەیاند "ژمارەی ئەو کاندیدانەی کە تاوە ئێستا لە پرۆسەی هەڵبژاردن دوورخراونەتەوە گەیشتوەتە 542 کاندید و پێویستە لایەنەکان کەسانی تر بخەنە شوێنیان".

ئاماژەی بۆ ئەوەشکرد "ئەو کاندیدانەی بەهۆی رێوشوێنەکانی لێپرسینەوە و دادپەروەرییەوە دوورخراونەتەوە ژمارەیان 235 کاندیدە و 100 کاندیدی تریش بەهۆی سنووردارکردنەوە دوورخراونەتوە، هەروەها ئەوانەی بەپێی داواکارییەکان بۆ دانانی جێگرەوەیان دوورخراونەتەوە ژمارەیان زیاتر لە 160 کاندید بووە".

ب ح