مەودا میدیا-

ئەمڕۆ پێنجشەممە 2025/8/28، وەزارەتی کۆچ و کۆچبەرانى عیراق بە هاوکارى ئیدارەى خۆسەر لە رۆژئاوای کوردستان 12 هەمین کاروانی خێزانە عیراقییەکانی لە کەمپی هۆل گەڕاندەوەو پرۆسەکەش بەردەوامە.

روانگەی سوریا بۆ مافەکانی مرۆڤ رایگەیاند "بە هاوکارى ئیدارەى کەمپی هۆل لە پارێزگای حەسەکە 233 خێزان، کە لە 854 هاوڵاتیى عیراقی پێکهاتبوون، کەمپەکەیان جێهێشتووەو بەرەو وڵاتەکەیان گەڕاونەتەوە".

ئاماژەی بۆ ئەوەشکرد "پرۆسەی گەڕاندنەوەی ئاوارەکان بە هەماهەنگی  و هاوبەشی نێوان ئیدارەی خۆبەڕێوەبەرى باکوور و رۆژهەڵاتی سوریا و لیژنەی ئەمنی و لیژنەی کۆچ و کۆچبەرانى عیراق بەردەوامە".

کامپی هۆل دەکەوێتە پارێزگای حەسەکە لە رۆژئاوای کوردستان لەلایەن ئیدارەی خۆسەر بەڕێوەدەبرێت و دەیان هەزار ژن و منداڵی چەکدارانی داعشی عەرەبی و بیانی تێدا دەستبەسەرکراوە.

ب ح