مەودا میدیا-

ئەندامێکی لیژنەی نەوت و گاز لە پەرلەمانی عیراق ئاشکرایکرد هەفتەی داهاتوو شاندێکی وەزارەتی سامانە سرووشتییەکان و کۆمپانیاکانی نەوت بۆ پرسی هەناردەکردنەوەی نەوت سەردانی بەغدا دەکەن.

سەباح سوبحی، ئەندامی لیژنەی نەوت و گاز لە پەرلەمانی عیراق رایگەیاند "رۆژی سێشەممەی داهاتوو، شاندێکی باڵای وەزارەتی سامانە سرووشتییەکان و کۆمپانیاکانی نەوت سەردانی بەغدا دەکەن و لەگەڵ بەرپرسانی باڵای وەزارەتی نەوت و کۆمپانیای سۆمۆ کۆدەبنەوە".

ئاماژەی بۆ ئەوەشکرد "ئامانجی کۆبوونەوەکە، رێککەوتنە لەسەر پرسی دووبارە دەستپێکردنەوەی هەناردەی نەوتی هەرێمی کوردستان، چونکە تاوەکو ئێستا هەندێک لەکۆمپانیاکان رازی نین بەبێ رێککەوتنی نووسراو هەناردەی نەوت دەسیپێبکەنەوە".

ب ح