مەودا میدیا-
بەپێی وتەی بەرپرسێكی حكومەتی هەرێم، لەلایەن وڵاتانی ئەوروپاوە حكومەتی عیراق ئاگاداركراوەتەوە لەوەی كە زیاتر لە 60 هەزار پەنابەر بە زۆرەملێ‌ دەگەڕێنرێنەوە بۆ عیراق.

دابان شەدەڵە، جێگری بەرپرسی فەرمانگەی پەیوەندییەكانی دەرەوەی حكومەتی هەرێمی كوردستان رایگەیاند"لەو 60 هەزار پەنابەرەی كە دەگەڕێنرێنەوە بۆ عیراق بەلانی كەم نیوەی كوردن و كەسوكاریان لە هەرێمی كوردستانن".

وتیشی"فشارێكی زۆر لەسەر حكومەتی عیراقە بۆ وەرگرتنەوەی ئەو پەنابەرانە، بەشێوەیەك كە هەڕەشەی راگرتنی ڤیزای دیپلۆماسی، گەشتیاری و خوێندن و درێژكردنەوەی ماوەی وەڵامدانەوەی داواكاری ڤیزایان بۆ شەش مانگ كردووە لە حاڵێكدا ئەگەر عیراق پەنابەران وەرنەگرێتەوە". 

ئاماژەی بەوەشكرد"هەریەك لە وڵاتانی بەریتانیا، ئەڵمانیا و سوید، دەستپێشخەری ئەرێنیان نیشانداوە بۆئەوەی هاوكاربن لە رەخساندنی هەلی كار بەتایبەت لە ناوچەكانی گەرمیان و راپەڕین و بڕە پارەیەكیش بۆ ئەو پرۆسەیە تەرخانكراوە بۆئەوەی لەو رێگەیەوە رێگری بكرێت لە كۆچی گەنجان بۆ وڵاتانی ئەوروپا". 
ئ پ