مەودا میدیا-
بەپێی ئەو زانیارییانەی كە میدیا عیراقییەكان بڵاویانكردووەتەوە، سبەی شەممە 30ی ئاب تەواوی هێزەكانی ئەمەریكا لە عیراق دەست بە كشانەوە دەكەن و لە ماوەیەكی دیاریكراودا بە تەواوی خاكی عیراق چۆڵ دەكەن.
 
میدیا عیراقییەكان بڵاویانكردووەتەوە، پرۆسەی كشانەوەی هێزەكانی ئەمەریكا لە چوارچێوەی رێكەوتنی نێوان عیراق و هاوپەیمانی نێودەوڵەتیدایە.

لە بارەی ئەو جێگایەش كە بۆی دەكشێنەوە ئاماژەیان بۆ ئەوەكردووە، كە هێزەكانی ئەمەریكا بەرەو هەولێر دەكشێنەوە و هەر لە چوارچێوەی خاكی عیراق بەڵام لە هەرێمی كوردستان دەمێننەوە. 
 
ئەوەش لە كاتێكدایە كە لە ساڵی 2014ـەوە هێزەكانی هاوپەیمانیی نێودەوڵەتی بە سەركردایەتی ئەمەریكا هاتووەنەتە عیراق بۆ رووبەڕووبوونەوەی رێكخراوی تیرۆرستی داعش و ژمارەیان نزیكەی 2500 سەربازە.
ئ پ