مەودا میدیا-
رۆژی دووشەممە 1/9/2025 دواین وادەیە بۆ درووستكردنی كارتی ئەلیكترۆنی بەشەخۆراك لەلایەن هاوڵاتیانەوە و دوای ئەو بەروارە هەركەس بیەوێت ئەوكارە بكات دەبێت پارە بدات. 

‎محەمەد حەنون، وتەبێژی وەزارەتی بازرگانی عیراق رایگەیاند"تا ئێستا لە عیراق و هەرێم 37 ملیۆن كەس داتای كارتی بەشەخۆراكی ئەلیكترۆنییان نوێكردۆتەوە، بەڵام هێشتا ژمارەیەكی زۆر لە هاوڵاتییان ماون ئەو كارە بكەن". 

وتیشی"وەزارەتەكەیان رۆژی 1ی ئەیلولی وەك دواین وادە دیاریكردووە بۆ تەواوكردنی پرۆسەی نوێكردنەوەو لەدوای ئەو وادەیەش هاوڵاتیان دەتوانن بە سەردانیكردنی ناوەندەكانی بەشەخۆراك یان هەر خۆیان داتاكانیان تازە بكەنەوە، بەڵام ئەوكات بەبێ‌ بەرامبەر نابێت و دەبێت رسومات بدەن". 
 
‎‎ئاماژەی بۆ ئەوەشكرد"كۆی گشتی ئەو كەسانەی لە هەرێم داتاكانیان نوێكردۆتەوە گەیشتووەتە زیاتر لە چوار ملیۆن و 600 هەزار هاوڵاتی و دوو ملیۆن و (٧٥٠) هەزار ناوی نادیاریش هەن كە بە هۆكاری جیاواز راگیراون". 
ئ پ