ئابووری
بەغدا پارەی مووچەی فەرمانبەران رەوانەی هەرێم دەكات
مەودا میدیا - سلێمانی |

مەودا میدیا-
بەپێی وتەی ئەندامێكی ئەنجومەنی نوێنەرانی عیراق، سبەینێ وەزارەتی دارایی عیراق بڕی 950 ملیار دینار بۆ مووچەی مانگی شەشی رەوانەی هەرێمی كوردستان دەكات.
د.نەرمین مەعروف، ئەندامی لیژنەی دارایی لە ئەنجوومەنی نوێنەرانی عیراق رایگەیاند" سبەینێ بەغدا بڕی 950 ملیار دینار بۆ مووچەی مانگی حوزەیرانی مووچەخۆرانی هەرێمی كوردستان خەرجدەكات، ئەوەش دوای ئەوەی حكومەتی هەرێم بڕی 120 ملیار دیناری داهاتی نانەوتی رادەستی وەزارەتی دارایی عیراق كرد".
وتیشی"بەهۆی ئەوەی هەرێم كۆتا رۆژی هەفتە 120 ملیارەكەی ناردووە، بۆیە رێكارەكانی خەرجكردنی مووچە لەلایەن وەزارەتی دارایی عیراقەوە تەواو نەبوون، هەربۆیە یەكشەممە دوای تەواوكردنی رێكارە كارگێرییەكان پارەكە رەوانەی هەرێم دەكرێت".
ئەوەش لە كاتێكدایە كە ماوەی نزیكەی 90 رۆژە فەرمانبەرانی هەرێم تەنها یەك مووچەیان وەرگرتووە و دۆخی دارایی مووچەخۆران لەوپەڕی خراپیدایە.
ئ پ
بیروڕا



