مه‌ودا میدیا-

جوتیارێكى نمونه‌یی رایگه‌یاند، به‌رهه‌مى ئه‌مساڵى هه‌نار له‌ڕووى باشى و رێژه‌وه‌ زۆره‌ و پێشبینى ملیۆن ته‌ن ده‌كه‌ین.

خه‌سره‌و جاف، جوتیارى نمونه‌یی به‌ مه‌ودا میدیاى راگه‌یاند "ئه‌مساڵ سه‌ره‌تاكانى هه‌نار ده‌ركه‌وتووه‌ و پێشبینى هه‌نارێكى باش ده‌كه‌ین ئه‌گه‌ر خودا نه‌خۆشییه‌ك نه‌نێرێت".

وتیشى "هه‌ندێ شوێن و خاوه‌ن باخ رووبه‌ڕووى نه‌خۆشى بوونه‌ته‌وه‌، به‌ڵام به‌ شێوه‌یه‌كى گشتیی به‌رهه‌مى ئه‌مساڵ زۆر باشه‌ و هیچى له‌ ساڵى پار و پێرار كه‌متر نییه‌ هه‌رچه‌نده‌ ئه‌مساڵ كه‌مبارانی بوو".

ئه‌وه‌شى خسته‌ڕوو "له‌ شاره‌زوور و هه‌ڵه‌بجه‌ به‌رهه‌مێكى زۆر باشى هه‌نار هه‌یه‌ ده‌توانین به‌شى عێراق و ده‌ره‌وه‌ش بنێرین، جگه‌ له‌ بڕێكى زۆر له‌ پێویستى ناوخۆ، چاومان له‌وه‌یه‌ سه‌رو یه‌ك ملیۆن ته‌ن هه‌نارمان هه‌بێت".

ع