مه‌ودا میدیا-

غازفرۆشێكیش رایگه‌یاند، هیچ گرفتێكى كه‌مى غازى ماڵان له‌ سلێمانى رووینه‌داوه‌ و رۆژانه‌ به‌شى پێویستیی غاز ده‌درێته‌ بریكاره‌كان.

فاروق ره‌شید، غازفرۆش له‌ سلێمانى به‌ مه‌ودا میدیاى راگه‌یاند "له‌ شارى سلێمانى هیچ گرفتێكى كه‌مى غاز رووینه‌داوه‌ و رۆژانه‌ بریكاره‌كان پشكى خۆیان وه‌رده‌گرن".

وتیشى "نرخى غازى ماڵان هیچ گۆڕانكاریی به‌سه‌ر نه‌هاتووه‌ و یه‌ك بتڵ به‌ 8500 دیناره‌ و بریكاره‌كانیش ئه‌و غازه‌ى وه‌ریده‌گرن به‌ كۆڵان و گه‌ڕه‌كه‌كان ده‌یگێڕن و دابه‌شى ده‌كه‌ن به‌سه‌ر هاوڵاتییان".

ساڵانه‌ له‌وه‌رزى زستان، به‌هۆى زۆرى خواست له‌سه‌رى بۆ گه‌رمبوونه‌وه‌، گرفتى كه‌مى غاز دروستده‌بێت و به‌ چه‌ند رۆژ جارێك غاز به‌ر هاوڵاتییان ناكه‌وێت.

ع