کوردستانی
سەرۆكی هەرێم پەیامێكى ئاراستەی هاوسەرۆكانی یەكێتی كرد
مەودا میدیا - سلێمانی |
مەودا میدیا-
نێچیرڤان بارزانی، سەرۆكی هەرێمی كوردستان لە پەیامێكدا بەهۆی یادی 45 ساڵەی دامەزراندنی یەكێتیی نیشتمانیی كوردستان دەڵێت، یەكێتیی نیشتمانیی كوردستان، بەشێكی گرنگی بزووتنەوەی ڕزگاریخوازیی كوردستانه.
دەقی پەیامەکەی سەرۆکی هەرێمی کوردستان بۆ یەکێتی
په‌یامی سه‌رۆکی هه‌رێمی کوردستان بۆ یادی دامه‌زراندنی یه‌کێتیی نیشتمانیی کوردستان
به‌ڕێزان هاوسەرۆكان و ئەنجومەنی باڵای سیاسی و بەرژەوەندی و
مەكتەبی سیاسیی یەكێتیی نیشتمانیی كوردستان
له (45)هه‌مین ساڵیادی دامەزراندنی یەكێتیی نیشتمانیی كوردستاندا، پیرۆزبایی لە ئێوەی بەڕێز و سەركردایەتی و ته‌واوی ئه‌ندامان و جەماوەری یەكێتی دەكه‌م، هیوای سه‌ركه‌وتنتان بۆ ده‌خوازم.
یەكێتیی نیشتمانیی كوردستان، بەشێكی گرنگی بزووتنەوەی ڕزگاریخوازیی كوردستانه، لەگەڵ پارتی دیموكراتی كوردستان و لایەنەكانی دیكەدا، هاوبەشی سەرەكی بوونە لە ده‌سكه‌وته‌كان و پرۆسەی سیاسی و بنیاتنانی دامەزراوەكانی هەرێمی كوردستان و لە چەسپاندنی مافەكانی گەلی كوردستان لە دەستووری عێراقدا.
ئێستاش له كاتێكدا هه‌رێمی كوردستان وه‌ك عێراق و ناوچه‌كه، ڕووبه‌ڕووی دۆخێكی هه‌ستیار و ته‌حه‌دیاتی گه‌وره بووه‌ته‌وه، له هه‌موو كاتێك زیاتر پێویستیمان به ته‌بایی، كاری هاوبه‌ش و یه‌كڕیزی هه‌یه كه تاکه ڕێگه‌ی سه‌ركه‌وتن و بنه‌مای هه‌موو ده‌سكه‌وته‌كانه. له ڕابردوودا هاوكاری و هه‌ماهه‌نگیی سه‌رۆك مام جه‌لال كه ئه‌مڕۆ به ڕێزه‌وه یادی ده‌كه‌ینه‌وه، له‌گه‌ڵ سه‌رۆك مه‌سعوود بارزانی، سه‌لمێنه‌ری ئه‌و ڕاستییه‌ن.
بۆ سه‌قامگیریی سیاسی و یەكهەڵوێستی لەسەر پرسە سەرەكییەكانی گەلی كوردستان، تێپەڕاندنی سه‌ركه‌وتووانه‌ی دۆخه‌كه، پاراستنی قه‌واره‌ی ده‌ستووریی هه‌رێمی كوردستان و ده‌سته‌به‌ركردنی مافه ده‌ستوورییه‌كانی گه‌لی كوردستان، سەرۆكایەتیی هەرێمی كوردستان له‌گه‌ڵ هه‌موو لایه‌ن و پێكهاته‌كان له هه‌وڵه‌كانی به‌رده‌وام ده‌بێت، چاوه‌ڕێی هەڵوێستی كوردستانیانه‌ش له هه‌مووان دەكەین.
له‌م یاده‌دا دروود بۆ گیانی شه‌هیدانی یه‌كێتیی نیشتمانیی كوردستان و ته‌واوی شه‌هیدانی كوردستان كه گیانیان له‌پێناو ئازادیی گه‌له‌كه‌یاندا به‌خشی، سه‌ری ڕێز و نه‌وازش له به‌رده‌میاندا داده‌نوێنین و سڵاو و ڕێز بۆ خانه‌واده سه‌ربه‌رزه‌كانیان ده‌نێرین.
نێچیرڤان بارزانی
سەرۆكی هەرێمی كوردستان
31/5/2020
نێچیرڤان بارزانی، سەرۆكی هەرێمی كوردستان لە پەیامێكدا بەهۆی یادی 45 ساڵەی دامەزراندنی یەكێتیی نیشتمانیی كوردستان دەڵێت، یەكێتیی نیشتمانیی كوردستان، بەشێكی گرنگی بزووتنەوەی ڕزگاریخوازیی كوردستانه.
دەقی پەیامەکەی سەرۆکی هەرێمی کوردستان بۆ یەکێتی
په‌یامی سه‌رۆکی هه‌رێمی کوردستان بۆ یادی دامه‌زراندنی یه‌کێتیی نیشتمانیی کوردستان
به‌ڕێزان هاوسەرۆكان و ئەنجومەنی باڵای سیاسی و بەرژەوەندی و
مەكتەبی سیاسیی یەكێتیی نیشتمانیی كوردستان
له (45)هه‌مین ساڵیادی دامەزراندنی یەكێتیی نیشتمانیی كوردستاندا، پیرۆزبایی لە ئێوەی بەڕێز و سەركردایەتی و ته‌واوی ئه‌ندامان و جەماوەری یەكێتی دەكه‌م، هیوای سه‌ركه‌وتنتان بۆ ده‌خوازم.
یەكێتیی نیشتمانیی كوردستان، بەشێكی گرنگی بزووتنەوەی ڕزگاریخوازیی كوردستانه، لەگەڵ پارتی دیموكراتی كوردستان و لایەنەكانی دیكەدا، هاوبەشی سەرەكی بوونە لە ده‌سكه‌وته‌كان و پرۆسەی سیاسی و بنیاتنانی دامەزراوەكانی هەرێمی كوردستان و لە چەسپاندنی مافەكانی گەلی كوردستان لە دەستووری عێراقدا.
ئێستاش له كاتێكدا هه‌رێمی كوردستان وه‌ك عێراق و ناوچه‌كه، ڕووبه‌ڕووی دۆخێكی هه‌ستیار و ته‌حه‌دیاتی گه‌وره بووه‌ته‌وه، له هه‌موو كاتێك زیاتر پێویستیمان به ته‌بایی، كاری هاوبه‌ش و یه‌كڕیزی هه‌یه كه تاکه ڕێگه‌ی سه‌ركه‌وتن و بنه‌مای هه‌موو ده‌سكه‌وته‌كانه. له ڕابردوودا هاوكاری و هه‌ماهه‌نگیی سه‌رۆك مام جه‌لال كه ئه‌مڕۆ به ڕێزه‌وه یادی ده‌كه‌ینه‌وه، له‌گه‌ڵ سه‌رۆك مه‌سعوود بارزانی، سه‌لمێنه‌ری ئه‌و ڕاستییه‌ن.
بۆ سه‌قامگیریی سیاسی و یەكهەڵوێستی لەسەر پرسە سەرەكییەكانی گەلی كوردستان، تێپەڕاندنی سه‌ركه‌وتووانه‌ی دۆخه‌كه، پاراستنی قه‌واره‌ی ده‌ستووریی هه‌رێمی كوردستان و ده‌سته‌به‌ركردنی مافه ده‌ستوورییه‌كانی گه‌لی كوردستان، سەرۆكایەتیی هەرێمی كوردستان له‌گه‌ڵ هه‌موو لایه‌ن و پێكهاته‌كان له هه‌وڵه‌كانی به‌رده‌وام ده‌بێت، چاوه‌ڕێی هەڵوێستی كوردستانیانه‌ش له هه‌مووان دەكەین.
له‌م یاده‌دا دروود بۆ گیانی شه‌هیدانی یه‌كێتیی نیشتمانیی كوردستان و ته‌واوی شه‌هیدانی كوردستان كه گیانیان له‌پێناو ئازادیی گه‌له‌كه‌یاندا به‌خشی، سه‌ری ڕێز و نه‌وازش له به‌رده‌میاندا داده‌نوێنین و سڵاو و ڕێز بۆ خانه‌واده سه‌ربه‌رزه‌كانیان ده‌نێرین.
نێچیرڤان بارزانی
سەرۆكی هەرێمی كوردستان
31/5/2020
بیروڕا
